今个星期既新闻有好多入门家庭影院玩家都会非常喜欢, 英国音响品牌Mission LX系列一直都有不小粉丝使用, 而上星期第二代 LX MK2 终于现身, 今次提升左既位置非常之多, 分别在喇叭单元、分频器和箱体都进行了一系列改进，更加扩展至 9 款型号。仲加入3D反射喇叭，岩哂想玩Atmos既朋友呀。而英国传奇音响品牌 LEAK 今年竟然重出江湖呀。来自1934年最为英国家庭喜爱的 LEAK 音响，推出全新合併扩音机 STEREO 130。新机概念源自佢地既经典型号 Stereo 30，岩哂一众对外观有要求而且喜爱古典风的朋友呀。之后仲有Netflix同 Apple都分别有支援睇戏的新玩法, 究竟係咩呢?? 不如就由 Paris 同大家报导一下啦!
Netflix 在法国地区试行全新「直播」频道功能【市场资讯】
Netflix 最近在法国正进行新功能直播测试。新项名为「Netflix Direct」，服务类似传统收费电视频道，大家可按电视节目播出时间收看心仪节目。新功能自 11 月起已于法国几个特定城市试行，预计 12 月陆续推广至法国其他城市。至于未来是否会把新功能推广至其他国家就尚待 Netflix 呢次试行之后既反应勒。有外媒指 Netflix 目前在法国约有 900 万订阅者，由于部分年长的订阅者尚有观看传统电视直播频道习惯，所以直播频道推荐大热节目仍有其存在价值。率先在法国推出 24 小时直播的「Netflix Direct」频道，将会提供时间表显示功能，会提供各播放时段的影片及剧集名称。预计新功能将会吸引法国当地较为年长一背 Netflix 订閲者青睐。唔知如果香港要发生呢件事，Netflix会搵边个台合作呢!???
Netflix 在法国地区试行全新「直播」频道功能【市场资讯】
入门家庭影院玩家有福了
MISSION LX MKII 第二代推出 【影音资讯】
好多入门用家其实都好想平平地可以玩到一套同系列的5.1什至係5.1.4的家庭影院，MISSION 的 LX 系列，于 2016 年推出时，我地小瑟大王当年都有入手，仲大讚性价比超高，音色亦都非常唔错呀。而第一代推出时，仲赢得英国权威音响媒体 《What Hi-Fi?》5 星级好评，在世界各地都有不少音响爱好者喜欢喎。时至今日，经过四年的研发，MISSION 终于推出升级版的 LX MKII系列勒。新系列引入了旗鉴 ZX 系列和 QX 系列的创新技术，以第一代 LX 喇叭屡获殊荣的设计为基础，对喇叭单元、分频器和箱体进行了一系列改进，更加扩展至 9 款型号。今次仲加入去3D反射喇叭，岩哂玩Atmos既朋友呀。LX MKII 系列都一样係非常易推，好轻鬆就可以匹配不同类型的扩音机，一样係用倒置单元「IDG 反向驱动几何」既摆法，仲引进旗鉴 ZX 和 QX 系列的梳齿状形滤波圈设计，同埋新版 DiaDrive 喇叭单元，增强了中频和高频的清晰度，并改善了微细动态的分析力，小瑟大王佢地听过，仲话会真係有升级既感觉。详情不如就由小瑟同大家分享返啦，新片好快就可以睇架勒。记得留意呀！
1934年音响传奇重现
英国LEAK STEREO 130 解码合併式扩音机 + USB-DAC 配埋 CDT 盘【影音资讯】
英国传奇音响品牌 LEAK 今年竟然重出江湖呀。来自1934年最为英国家庭喜爱的 LEAK 音响，推出全新合併扩音机 STEREO 130。新机概念源自佢地既经典型号 Stereo 30，岩哂一众对外观有要求而且喜爱古典风的朋友呀。Stereo 130除左有传统既输入端之外，更加引入左数码 USB-DAC功能，有埋 DIRECT 直接输出功能，提供最纯净的讯号路径，内置 MM唱头放大，支援aptX及AAC编码既无线蓝牙功能，有埋耳扩线路。真係讲得出既功能都有呀。功能强大之余，内部零件都非常讲究，採用优质音响级零件，环型变压器及2组大型电容配合 Art-Deco 外观设计，唤起不少资深发烧友的美好回忆。一同发布仲有纯 CD转盘 CDT，两部摆埋一起真係非常有生活品味呀。两款产品现已于代理 Showroom 展示及比大家试听，11月初亦正式发售。唔知呢部 LEAK 既西装又会唔会唤起你既回忆呢???
Apple tvOS 14.2升级
Apple TV 4K + HomePod 简单家庭影院方案【家庭影院资讯】
苹果刚为 Apple TV 4K 及 HomePod 推出 tvOS 14.2 更新，更新之后，大家就可利用一只 HomePod 输出 Apple TV 4K上的 Dolby Atmos音效喎，更能够将 HomePod 及 Apple TV 4K 配对成爲默认的家庭影院组合。而每个 Apple TV 4K装置最多可配对两个HomePod，呢个会係苹果方面建议的最佳聆听组合来呢。而更新左之后的 HomePod 仲可对应传统杜比 5.1 或 7.1 声道，并支援 Dolby Atmos。虽然 HomePod 没任何天空声道单元，但就因为配备多组喇叭单元同收音咪既关係，可以自行做到「空间感知」修正，官方话只要摆好左位置之后，再重新配对一次，就可以得到最好既效果，情况就有小小类似我地ＡＶ扩音机做一次Auto Cal咁呀。听占落都好似几劲喎。不过新功能亦不适用于普通版 Apple TV HD。而且亦都唔支援第三方播放功能，即係话除左 Apple TV 4K 出来的音效之外，任何其他既播放器或电视都唔可以支援到呢个新功能呀。换句话说，如果想享受呢个功能就一定要买哂成套返去先可以勒。
tvOS 14.2 升级加强空间音效支援｜ Apple TV 4K + HomePod 最简易 Dolby Atmos 影院方案【影音资讯】
PS5 暂不支援VRR、ALLM、8K 及 1440p 输出!!? 【电玩资讯】
又係PS5既新闻呀，随着两部次世代游戏主机 PlayStation 5 及 X-Box Series X推出，坊间媒体亦开始逐步对外公开两部主机的实测报告。从坊间使用报告可知，两部主机在对应 HDMI 2.1 上存有一定兼容性问题，仍需要利用软体升级先可以解决，报告指当前PlayStation 5 声称能对应 VRR、ALLM、4K/120Hz 甚至是作 8K 规格，但当前软体版本只能支援最基本 4K/60p 输出，未能正式作 4K/120Hz 或 8K/60p 讯号输出。即使早前盛传会在新主机出现 1440p 解像度亦都未能够在介面上显示，换言之早前打算利用 1440p 解像 21 比 9 屏幕打机的朋友在入手新机后仍需要稍等一会，待官方推出更新之后先可以享受到新功能勒…..换句话讲，其实係咪即係唔洗咁急买机呢！？
https://post76.hk/news/2020/11/sony-playstation-5-vrr-8k/
点击阅读全文
