csl. 推出 Netflix 专属 5G 新计划、AI 自助手机回收报价机

csl. 近期积极推 5G 服务，新服务动作频出。继日前宣布六条地铁线有 5G 覆盖之后，今日再推出新 5G Plan。今次主要係娱乐方面组合，首次联合 Netflix 推出专属 5G 新 Plan，分别有 50GB 及 100GB 两个数据月费。

今日宣布推出嘅 CSL x Netflix 5G 服务计划月费分别为 $358 及 $468 两个，本地 5G 数据流量为 50GB 及 100GB。不过相同数据量，1010 嗰边月费就贵少少，要 $419 同 $539。

两个 Plan 最大差别除咗数据量之外，Netflix 同时支援装置数目都有所不同。50GB Plan 同时只可以喺 1 部装置上收睇 Netflix 标準画质影片，而 100GB Plan 则可以同时喺最多 4 部装置上收睇超高清画质影片。两个 Plan 都会额外送多 2GB 中国内地数据及「86-易」大陆手机号码。不过要留意嘅係，睇 Netflix 会照扣返手机月费所包嘅 Data，如果平时日常用量已经比较多嘅话，就要留意够唔够用了。

▲ csl 5G 服务计划详情

▲ 选用指出 5G Plan 送 Momax Airbox 充电盒 (价值$1,280)，关于 Airbox 可以睇我地早前报导。

而为咗迎合新 iPhone 推出，csl. 今日仲推出一部「AI 手机会收 Plus」机，可以畀到大家喺指出 csl/1010 门市自助式地去查一查自己部旧手机嘅 Trade-in 价钱，啱价可以即时畀部机回收然后以帐单或礼券形式收款。目前支援 6 个主要手机品牌，以及 58 款手机型号。

▲ 现场测试所见，一部机身及功能良好嘅 iPhone 11 64GB，trade-in 价评估出来係 HK$2,720，回收价似乎比起坊间回收舖头略低一点，算是买个方便吧!

Now 方面，今日就宣布推出一个 $39 月费组合，透过 Now E 平台收睇多超过 5,900 小时嘅中日韩剧集、综艺节目、世界级体育及新闻内容等。