香港市场近年电子支付百花齐放，但都因为提供服务嘅公司太多，令到支付市场服务七国咁乱。于是，香港金管局今年就推出咗个「转数快」中央系统，令到各家银行同支付工具可以集中连结起来。作为一般用户，大家个人对个人转数无疑更方便。但对于商家来讲，市面上支持形式仍然太多。有见及此，HKT 就针对商户整合支付平台问题，推出咗「智能 POS」，一部机几乎可以用到晒现时香港流行嘅所有支付工具。
「智能 POS」係一部比手机大些少的流动型收钱器，内置 SIM 卡可透过 4G 或 Wifi 连线操作，可以支援以近距离通讯(NFC)、信用卡的晶片及磁带，以及 QR 码付款模式。因此基本上已经可以接受到现时市面上所有电子支付工具，当中包括 Apple Pay、Google Pay、Samsung Pay、香港及内地之支付宝及微信支付手机钱包、Visa、Mastercard、银联信用卡，以及八达通等。
相关文章：【懒人包】「转数快」係乜嚟?有乜限制?点登记?点样用?
以往商户每加入一样支付系统，可能需要独立安装一部机，好似信用卡机、八达通机、NFC 机以收取手机支付等。而今年因「转数快」嘅推出，令到各类支付可以互通，所以而家装一部「智能 POS」就得。据知，「智能 POS」都係租机型式畀商户申请来用，再按转数额收取服务费。
操作方面好简单，我地早前喺「转数快」记招时亦都拍咗 demo，未睇嘅可以再睇睇：
云骑士一键重装系统
