讲咗好耐，一路以来相信大家都抱怨点解 Apple 嘅 Apple Pay 唔可以当八达通用，明明日本嗰边嘅西瓜卡已经一早就得。至于原因，其实都两方面嘅，一方面係 iOS 系统未 Ready，另一方面当然係要同八达通公司倾掂数先得。不过而家终算有进一步嘅好消息，因为 iOS 13 测试版出现咗八达通嘅资料。
Apple 其实自 iPhone 7、7 Plus 及 Apple Watch 2 至往后所有新 iPhone 和 Apple Watch 型号起，已经加入由 Sony 开发的 FeliCa 非接触式 IC 卡技术，现时在日本已经支援当地流行的 Suica 卡，可以直接「嘟卡」再由 Apple Pay 支付搭车，形式就如 Samsung 的 Smart Octopus 一样。
据 Ata Distance 报导，喺最新嘅 iOS 13 测试版本中，发现咗 Apple Pay 嘅交通支付地区出现咗「香港」地区支援，当中亦清楚见到「Octopus」(八达通) 字串。由此可见，传闻多时嘅 Apple Pay 支援八达通功能，终于有望喺 iOS 13 正式版推出时 (预计9月) 就能够实现。
根据现时日本经验，可以用到 Suica 卡嘅装置会係 iPhone 7 或以上，以及 Apple Watch 3 或以上。大家热切期待吧，相信 9 月新一代 iPhone 发布会就会正式公布。
云骑士一键重装系统
