讲咗好耐嘅 5G 终于喺 4 月 1 日零时零分起正式启动，碍于初期推出相信大家都担心覆盖範围以及速度等会如何。所以我地亦都走均多个地点为大家进行测试，而家就等 Winson 带大家睇睇。
现时香港几间电讯商，包括 HKT、CMHK、3HK 等都陆续公布咗 5G 上网计划收费，而日前 Winson 亦都收到了 CSL 嘅测试 SIM，所以就拎埋部 Samsung Galaxy S20 Ultra 去咗几个地点为大家测试 5G 速度。
据 CSL 资料，现时唔少旺区嘅室外以及商场室内等都已经有 5G 讯号覆盖，包括铜锣湾、湾仔、金钟、中环、上环、尖沙咀、佐敦、油麻地、旺角、红磡及土瓜湾;指定 14 家 csl 及 1O1O 专门店;主要基础设施如香港国际机场;大型商场包括太古城中心、海港城、国际广场、K11 购物艺术馆、K11 MUSEA、MegaBox、美丽华广场及太古广场等。
首先来到旺角西洋菜街，我地先由近登打士街果边嘅兆万开始，因为呢头有间 CSL 旗舰店，然后再向新之城方向行上去，睇下呢头附近讯号覆盖效果如果。结果如上影片所见，速度表现极为理想。
兆万门口由测试网站 fast.com 完成下载 2GB 档案速度达到 790Mbps，而当中最值得大家关注嘅仲有网络时延(Latency) 只有 10ms，呢个成绩拍得住家中 1,000Mbps 嘅光纤宽频表现。
然后再向上去地铁站银行中心出口，速度亦达到 450Mbps。最后再到新之城对出十字路口位置，虽然速度稍有下降，但亦达到 370Mbps。相比起 4.5G 嘅全速，可以见到 5G 嘅速度可以提升数倍。
试完旺角我地再转场到尖沙咀：
▲ 入到美丽华商店，试到室内速度都有 420Mbps
▲ 加拿芬道 450Mbps
▲ 广东道 490Mbps
▲ 天星码头 290Mbps
试完尖沙咀我地再搭小轮过海到中环及铜锣湾：
▲ 搭船过海期间全程都收到 5G 讯号
▲ 中环 IFC 330Mbps
▲ 铜锣湾时代广场 630Mbps
总结：
经过一轮室外室内测试后，5G 初阶级推出嘅覆盖範围其实已经比起 Winson 预期中高，今次所试嘅 CSL 表现相当唔错，由旺角至到尖沙咀地面无断过讯号，连由尖沙咀过海去到中环码头都无断过。可以见到，现时九龙以及香港黄金地段旺区都有 5G 覆盖，地铁範围就会回落到 4.5G。呢层其实又无可厚非嘅，首阶段先做好地面室内外覆盖其实已唔错。地铁範围亦都正如 CSL 新闻稿所讲，佢地来紧都会舖设。
总括一句，今次 CSL 5G 嘅初体验，畀 Winson 嘅感觉就有如随身带住 1,000M 光纤宽频出街一样，速度以至网络时延都非常之快。
云骑士一键重装系统
