香港四大电讯商嘅 5G 计划已经陆陆续续推出，今日终于等到「唯一」非採用华为设备建设 5G 基站嘅 SmarTone 公布旗下 5G 服务计划。今次 SmarTone 推出嘅 5G Plan 只有一个，但就可以升级至唔少人所期待嘅无限数据，到底点玩法?一齐睇埋落去啦。
有别于早前 3HK、CSL 以及 CMHK 所推出的多 Plan 5G 计划，今次 SmarTone 所推出的 5G 计划只有 $398 月费一个选择，而 SmarTone 则强调计划比较「高弹性」。
先讲讲净上台计划，由上图大家可以见到，HK$398 月费包咗 80GB 本地数据 + 2GB 大湾区数据。而额外送嘅 20GB 数据，则需要喺今年 8 月 31 号或之前上 5G 台。如果係需要无限数据嘅话，需要另加 $80，而佢个卖点係无合约，可以随停咗呢个无限数据嘅 Top-up，但留意速度係会限制至 5Mbps。
除外，今次个 5G Plan 仲可以喺合约期内将未用完嘅数据滚存落下一个月，本地数据最多可以储到 500GB，而大湾区数据则可以滚到 10GB。同时，亦可以用增加每张 $120 的 SIM 卡模式达成 Family Plan。
至于上台出机方面，SmarTone 表示限时推广优惠有 Samsung 嘅 Galaxy S20 系列手机，24 个月合约期内头 4 个月月费只需 HK$298，期后 20 个月为 HK$398，可获 100GB 本地 5G 数据。
SmarTone 表示，今年稍后时间将会加入更多品牌嘅 5G 手机。而由上图可以见到，手机方面除咗 Samsung、华为、vivo、Nokia、oppo、TCL、小米等，仲有日本品牌 Sharp、以及 HTC 同 Apple 等。不过，暂时就仲未有时间表。好似 HTC 前两日先传出 7 月会推出 5G 新机，而 Apple 相信就係要等到今年 9 或 10 月发布嘅 iPhone 12 啦。
相比起另外三个台来讲，SmarTone 嘅 5G Plan 选择确係较少，不过亦都有另类嘅玩法。SmarTone 宣布推出一个「储印花」计划，畀大家今日上台就算无 5G 手机都好，可以每个月储一个价值 $200 嘅印花，最多可以储到 8 个，总值 HK$1,600。而储返来嘅印花，第日就可以用来买新嘅 5G 手机。
5G Plan 就有啦，咁佢个覆盖範围又如何呢?受惠于 SmarTone 所採用嘅 Ericsson 基站设备，凭着 Ericsson 独有嘅 DSS 技术，SmarTone 表示已经可以原有嘅 LTE 升级至 5G，当中有部分地区亦都配合不同嘅频谱使用，令到覆盖範围大增。DSS 技术其好处係可以令到 LTE / 5G 于同一频段内共存，而 4G 与 5G 之间嘅切换时间可以做到 1 微秒之内。
据 SmarTone 所讲，预计今年年底前全港 5G 覆盖範围可达 70%，而到明年年中有望可以达到 80% 以上。而沙田至大埔一带禁飞区的「结界」问题，SmarTone 亦表示会沿用 ESS 技术将覆盖至该段範围，不过要真正完全用到高质素嘅 5G，就需要政府同业界一齐去解决。
现时主要公路、热门商场、主要基建等都已经有 5G 讯号覆盖。而地铁沿线方面，SmarTone 提到已经加紧同港铁公司合作，期望未来几个月内覆盖至地铁範围。至于真正嘅接收如何、速度如何?我地日后会再同大家测试。
SmarTone 嘅 5G Plan 喺今日 (5 月 26 日) 下午 4:00pm 起，正式接受申请。
云骑士一键重装系统
